ചേരുവകള്‍:
- പാല്‍-അര ലിറ്റര്‍
- മുട്ട -രണ്ട്
- വാനില എസ്സന്‍സ് -കാല്‍ ടീ സ്പൂണ്‍
- ബിസ്കറ്റ് -മൂന്ന് എണ്ണം
- പഞ്ചസാര -ആവശ്യത്തിന്
- ഐസ് ക്രീം പൌഡര്‍ അല്ലെങ്ങില്‍ കസ്ടാര്ട് പൌഡര്‍-രണ്ട് ടേബിള്‍ സ്പൂണ്‍
- തേങ്ങ ചിരകിയത് -മൂന്ന് ടീ സ്പൂണ്‍
- ബദാം ചെറുതായി അരിഞ്ഞത് -മൂന്ന് ടീ സ്പൂണ്‍
- നെയ്യ് -കാല്‍ ടീ സ്പൂണ്‍
- ചെറി അരിഞ്ഞത് -കാല്‍ കപ്പ്‌
തയ്യാറാക്കുന്ന വിധം:
പാല്‍ പഞ്ചസാര ഇട്ടു തിളപ്പിക്കുക.ഇതിലേക്ക് കലക്കി വെച്ച ഐസ് ക്രീം പൌഡര്‍ അല്ലെങ്ങില്‍ കസ്ടാര്ട് പൌഡര്‍ ചേര്‍ത്ത് ഇളക്കി രണ്ട് മിനിട്ട് കൂടി വേവിച്ചു വാങ്ങി വെക്കുക.ഇതിലേക്ക് പതപ്പിച്ചു വെച്ച മുട്ട അല്പാല്പമായി ചേര്‍ത്ത് നല്ലവണ്ണം അടിച്ചു യോജിപ്പിക്കുക.ശേഷം വാനില എസ്സന്‍സ്,ബിസ്കറ്റ് പൊടിച്ചത് ചേര്‍ത്ത് വീണ്ടും ഇളക്കുക.
ഒരു കുഴിഞ്ഞ സ്റ്റീല്‍ പ്ലേറ്റില്‍ ഒരു സ്പൂണ്‍ പഞ്ചസാര എടുത്ത് ഗ്യാസ് സിം ചെയ്തു ചൂടാക്കുക.ബ്രൌണ്‍ കളര്‍ ആകുമ്പോള്‍ തീ ഓഫ്‌ ചെയ്യുക.ഇങ്ങനെ കാരമല്‍ ചെയ്ത പഞ്ചസാര പ്ലേറ്റിന്റെ എല്ലാ വശത്തും തേച്ചു പിടിപ്പിക്കുക.ശേഷം ഇതിലേക്ക് പാല്‍, മുട്ട മിശ്രിതം ഒഴിച്ചു ,അതിന്‍റെ മുകളില്‍ അലൂമിനിയം ഫോയില്‍ പേപ്പര്‍ കൊണ്ടു കവര്‍ ചെയ്യുക[ആവി ഈ മിശ്രിതത്തിലേക്ക് ഇറങ്ങാതിരിക്കുവാനാണ് ഇങ്ങനെ ചെയ്യുന്നത്].കുക്കറില്‍ പാകത്തിന് വെള്ളം വെച്ച് ആവിയില്‍ ഇരുപതു മിനിട്ട് ഈ മിശ്രിതം വേവിക്കുക.ചൂടാറിയ ശേഷം ഫ്രീസറില്‍ വെക്കുക.ഒന്ന് ഉറച്ച ശേഷം ഇത് സെര്‍വിംഗ് ഡിശിലേക്ക് കീഴ്മേല്‍ മറിച്ചിടുക.ഇതിന്‍റെ മുകളില്‍ നെയ്യില്‍ വറുത്ത തേങ്ങയും ബദാമും വിതറി ഫ്രിട്ജിലേക്ക് മാറ്റുക.വിളമ്പുമ്പോള്‍ ചെറി വെച്ച് അലങ്കരിക്കുക.
No comments:
Post a Comment